藝人方紹聰（奶仔）今年與吳業坤、伍富橋及另一名消防員隊友參加，第 5 次參加的方紹聰回憶過往幾年情況：「第一年同 Steven 張致恆、之後第二年同 ViuTV 嘅陳安立、第三年同坤哥（吳業坤）、因為我成日同藝人朋友一齊行，嗰年我唔想再等佢哋。」故此他上年找了一班以他所知最厲害的人和他同隊，今年他希望找些水平差不多的同伴，「唔洗話佢等我，我等佢」。
上屆奶仔和他毅行者同伴們（圖：milksonfong）
尋找隊友
原來方紹聰和吳業坤竟是同一間中學，「見佢係日本每日行 30 公里，我覺得呢件事好犀利。」方紹聰除了欣賞他的運動能力，更欣賞他的為人。「平時睇坤哥唱歌，做人都好堅毅⋯⋯然後再睇佢每日都行 30 公里，我覺得佢好犀利，所以就搵咗佢做隊友。」第三位隊員是消防隊員 Ryan，過去和方紹聰有參加過幾次毅行者，平常也有一起踶足球，順理成章地加入隊伍。只差第四人，正巧方紹聰得悉有個人叫伍富橋，雖然兩人並不多認識，怎料原來其他兩名隊友都認識他，大讚他的人品，便嘗試邀請他。
伍富橋在 2021 年後便再沒有參加越野跑，本來是打算專注在健美，不過 9 月 24 日的越野賽使他再次接觸越野跑，同時方紹聰邀請他玩毅行者，「一嚟毅行者唔係一個普通嘅山賽，佢哋有籌款、扶民嘅理念，我覺得係一個好大嘅原因點解會應承奶仔（方紹聰）⋯⋯反正我都開了個頭，咁就落下去，又唔係未玩過 100K，都知有幾辛苦。」他便答應方紹聰，於是這支隊伍的成員便定下來了。
（左）消防隊員 Ryan、（左二）方紹聰、（右二）伍富橋、（右）吳業坤（圖：milksonfong）
未正式開始已遇到許多難題
這隊明星隊的隊名為是「Gang Hike」，上年方紹聰和他的隊員以 28.5 個鐘完成，「我覺得做人一定要進步。」希望能比上年更快地完成，目標時間是 28 小時。本來 Support 有其他隊友幫忙，但因為各種原因而未能幫忙，在眾人思考如何是好時，伍富橋的太太跳出來說 「 唔好咁複雜，我一手包辦」，成為這支隊伍的第五人。藝人時間繁忙，4 人完全找不到時間共同練習，「夾唔到，Zoom 練習」，最多也只能集合 3 名隊友一同練習，加上其中一名隊友是現役消防員，上班幾乎都在訓練，他們對互此有信心，相信能攜手克服這個挑戰，「Gang Hike，你就咩都唔驚」。
雖然運動能力對等很重要，但能否合得來也是非常重要的因素，伍富橋指：「你上山始終這麼長時間，你完全唔講嘢話，對隔離嘅同伴係好辛苦。」方紹聰亦認同：「如果你唔係 Friend，如果唔識嗰啲，當你攰嘅時候，一個眼神、一個小小的（切），你覺得做咩，你就已經嬲，但如果係朋友，大家這麼多年感情⋯⋯係毅行者行咗 20 幾個鐘，EQ 係 0 嘅時候，就可以體現到究竟係咪真朋友。」
印象深刻的時刻
伍富橋在 2021 年亦參加 100 公里，他回憶起當時的情況「其實玩完，我返屋企嘅車程都差唔多半嗰鐘，然後停底㗎車要落車嗰吓，係真係有種想死嘅感覺。」最辛苦是在最後的 20 公里，在落地的那一剎那，肌肉及關節的痛楚開始浮現。當日捱夜上山，「曬住太陽，仲要上山，仲要行咗 80 幾、90 幾公里，已經完全失去理智。」當時有一個人在最後 20 公里陪著他跑，在失去理智的當下，他忍不住發瘋罵那個人，現在回想起來他感到非常「唔好意思」。
方紹聰參加了 5 年，其實印象最深是第一年，有許多難關都是參加過才能體會得到，「我第一年的難關，就係大腿磨損，因為肥仔，磨到好像一字馬咁，因為太痛，然後落雨又潮濕，有一年我買咗支好啲嘅凡士林解決咗這個問題。」當年走了 43 小時， 然後又遇上溫度的問題，氣溫急降，卻沒有攜帶適合的衣著，自此之後他每年都會帶一些好一些的裝備和衣著備免這個問題，裝備的照題解決，便是隊友磨合，「經歷咗兩個夜晚，然後又凍，又唔係你自己走不到，係你嘅隊友行唔到，但當你鬧佢嘅時候，佢又快唔到，因為佢真係盡咗力。」
「下年我唔會再參加」
方紹聰會參加下年度的渣馬全馬，別人遊說他「你成日跑毅行者，唔驚啦」，於上年便參加渣馬全馬，他記得「好辛苦，辛苦到要死」，他跑了 5 小時，「一入到去銅鑼灣，我自己一個人跑，我見到嗰啲人打氣，我真係喊咗出嚟， 我參加咗咁多年毅行者咁多年都冇試過哭，但你見到那些人打氣⋯⋯唔知道點解真係感動到喊。」他答應過自己不會再參加，不過每次這樣說，最終還是參加了。
（圖：milksonfong）
現時他們已經出發參加毅行者，如果想支持他們的話可到籌款頁面：https://event.oxfamtrailwalker.org.hk/tc/Donation/PageTeam?tId=cfa0KGZsNRM%3D
